Գիտնականները ստեղծել են ինքնամաքրվող գործվածք. 1in.am

Մելբուռնի թագավորական տեխնոլոգիական համալսարանի գիտնականները մշակել են ինքնամաքրվող նյութ: Աշխատանքի հեղինակներն առաջարկել են հատուկ նանոկառուցվածքների ստեղծման ոչ թանկարժեք և արդյունավետ տեխնոլոգիա, որոնք լույսի ազդեցությամբ ոչնչացնում են օրգանական նյութերը: Հետազոտության արդյունքները հրապարակվել են Advanced Materials Interfaces ամսագրում:

Ինքնամաքրվող գործվածք ստանալ հաջողվել է կտորը թաթախելով հատուկ նանոկառուցվածքների մեջ: Բավարար է գործվածքը դնել լամպի կամ արևի տակ, որպեսզի նանոկառուցվածքները սկսեն մաքրությունը:

Գիտնականներն օգտագործել են պղնձի և արծաթի հիմքով նանոկառուցվածքներ, որոնք հայտնի են տեսանելի լույսը կլանելու հատկությամբ: Արևի լույսի ազդեցությամբ նանոկառուցվածքներն էներգիայի լիցք են ստանում, որը ստեղծում է տաք էլեկտրոններ: Դրանք էլ ազատում են էներգիան, որը նանոկառուցվածքներին հնարավորություն է տալիս կազմալուծել օրգանական նյութերը:

Հարցեր, պատասխաններ, մեկնաբանություններ